رئيس مجلس الإدارة أحمد الشناوي

رئيس التحرير محمد يوسف

رمضان في قلوب ابنائنا

طباعة

الأربعاء , 16 مايو 2018 - 07:48 مساءٍ

نحاول جميعا في رمضان عمل مجهود أكبر وبذل جهد في العبادات للتقرب إلي الله أكثر عن طريق الصيام والقيام وقراءة القرآن ، وإن من أحب الأشياء إلي قلوبنا ان نربي أولادنا علي الصيام والآداب التي تحقق بهم وفيهم غايتنا .

النهاردة هنتكلم عن ازاي نحبب أولادنا في الصيام والتقرب إلي الله في رمضان وبعد رمضان لأنه كما قيل «رب رمضان ، رب باقي الأشهر » ..

1-يعتمد الأطفال في حياتهم الأولي علي نظام النمذجه :- أي أنه يشاهد ما تفعله أنت وبعد كده يقوم به بطريقته الخاصه فلذلك لابد ان يلاحظ الطفل حبك للصيام وإنك تقوم به ليس لمجرد أنه فرض، لأن عقل الطفل لا يستوعب فكرة الجنه والنار والعقاب والثواب وايضا هو بطبيعته يرفض فكرة الفرض والأوامر بلاش تقوله دا فرض من ربنا ولازم تعمله ، لأ أتكلم معاه فهمه وافهم معاه حكمه الصيام وليه ربنا أمرنا به قوله مثلا زي ما بيكون قدامك الأكل والشرب وأنت واخد القرار إنك صايم فلابتاكل ولابتشرب تقدر تتحكم في حياتك وتقدر تنفذ أي قرار تاخده بعد كده ما أنت قدرت وعملتها .

2-خلي البيت مختلف في رمضان :- أعمل زينه وشاركه في عملها وولع الفانوس خليه يحس إنه شهر مش بيجي غير كل سنه مره الأطفال بتحب الامان وهو من الاحتياجات الاساسيه له فخليه يحس إن جو البيت في رمضان مليان حب و دفء.

3-اقعد اتكلم معاه:- حدد له وقت في يومك واقعد معاه علمه يقرأ قرأن ازاي واتعلم معاه وخلي القاعده فيها شويه لعب وفرح عشان يحس إنه مش واجب لا دا إحنا اصحاب .

4-شجعه وقت الفطار:- بلاش التشجيع كله يبقي مادي على طول لانه له أضرار كبيره  ، مره تجبله لعبه هو بيحبها مره تقف انت ومامته مع الأذان تشجعه علي انه صام اليوم وعلي قوه إرادته ، ومن اساليب التشجيع انك تعلق له جدول فيه 3 خانات كل خانه تدل علي وقت مثلا الظهر العصر  واخر خانه المغرب يكون عليها استيكر تشجيعي انه صايم اليوم كله .

5-بلاش اللوم :-ابدأ مع الطفل بصيام عدد ساعات محدده وبعد كده وحده وحده خليه يصوم اليوم كامل طب لو يوم فطر في النص بلاش  تقوله ليه كده وربنا هيزعل منك ، اقعد أتكلم معاه افهم منه إيه السبب اللي خلاه يفطر وبعد كده أسأله شايف إنك تقدر تتغلب علي السبب دا ازاي ، وممكن تساعده في الحل بس عن طريق طرح فكره إيه رائيك لو عملت كذا ؟ وخليه هو ياخد القرار.

6- خليك إنت مختلف :- لازم الطفل يشوف فيك رمضان يحس إنك في رمضان متميز بزياده . لازم تقعد تتكلم معاه تعالي قبل الفطار وانزل أنت وهو هاتوا عصير مع بعض شاركه في تجهيز مائده الطعام وكمان الاكل وفهمه انه بياخد ثواب علي دا .

7-خليه يفطر معاك:- احرص حتي لو مش هيصوم اليوم كله انه يفطر معاكم في المغرب عشان يحس بطعم الفرح وانه فطر في الاخر معاكم .

الموضوع ممكن يكون فيه مشقه بس يستاهل تعبك عشانه ،لأنه بعد كدا أنت أكثر واحد هتكون فرحان باللي إنت زرعته في حياتك هتشوفه بيعلم ولاده زي ما أنت علمته وهتشوف حبك فيه وليه عمل إيه .

وكمان بعد وفاتك يجي يقول لاولاده بابا كان بيعمل كذا وكذا في رمضان وانا بعمل زيه فتلاقي حسنات جيالك من حيث لا تدري .

أخيرا اولادنا هم راس مالنا في الحياه وبعد الممات «فأحسن الغرس تنعم بالظل بعد أيام »

#ربيهم_صح 

درجات الحرارة
  • 18 - 29 °C

  • سرعه الرياح :17.70
اسعار العملات
  • دولار أمريكى :
  • يورو :
  • ريال سعودي :

هل تتوقع إنفراجة في أزمة سد النهضة بعد زيارة الرئيس السيسي للسودان؟

نعم
31.034482758621%
لا
68.965517241379%