رئيس مجلس الإدارة أحمد الشناوي

رئيس التحرير محمد يوسف

جمال رشدىجمال رشدى

أنا المسيحي بحب شهر رمضان

طباعة

الأحد , 13 مايو 2018 - 09:52 مساءٍ

أيوة يا جماعة أنا بحب شهر رمضان، يا محمد يا مينا يا أحمد يا بيتر كلنا منتظرين شهر رمضان، منتظرين صوت المسحراتي وهو بيقول إصحي يا نايم، منتظرين صوت المدفع وهو بيقول أفطر يا صايم، منتظرين لمة العيلة والصحبة والحبايب في سهرات شهر رمضان، وكمان منتظرين الفانوس والقطايف والكنافة والحاجات الحلوة، وكمان صوت االأذان وصلاة التراويح ومعها أجراس الكنائس.

الكل بيقول المجد لله والحمدلله، لمه هنا فيها مينا وأحمد وهما بيسمعوا الفوازير، ولمة هناك فيها بيتر ومحمد وهما بيسمعوا المسلسلات، ولمه فيها أنا مع إخواتي محمود وصلاح وأحنا بنسترجع الذكريات.

تعالوا نخلي شهر رمضان شهر المحبة لبعضنا وللوطن ، تعالوا ال زعلان من حد يسامحه، وال بيكره حد يحبه، وال بيحرض علي القتل والتكفير يراجع نفسه.

لان الله محبة في شهر رمضان الكريم، تعالوا يا جماعة نصلي لربنا الواحد الأحد أن ينشر المحبة والتسامح والرحمة في وسطينا، نصلي له أن يحافظ علي أوطانا وأولادنا وأهلينا. رمضان كريم يا جماعة يعني تكون كريم في صدقاتك في أعمالك في عطياك في محبتك وفي كل شئ.

يا محمد لا تكشر في وش أخوك مينا علشان حد فهمك غلط وقالك لا تسلم عليه في رمضان، لان رمضان شهر السلام والخير، يا مينا أحترم مشاعر أخوك أحمد وهو صايم ولا تأكل أو تدخن سجاير قدامه علشان حد ضحك عليك وقالك أنت حر أعمل ال أنت عاوزة.

يا جماعة لازم نرجع مشاعر الحب والود والأخوة ال كانت موجودة زمان، أيه رأيكم نستغل شهر رمضان الكريم ال فيه الروحانيات عالية ونحارب كل فكر متطرف يدعوا لبغض وكراهية الأخر، تعالوا نعمل كدا في مدارسنا ومصانعنا وحقولنا ، في حوارينا وشوارعنا وبيوتنا.

تعالوا نعلم أولادنا الصغار أن كلنا واحد بنعبد رب واحد، أنا بقول ل أبني يوسف أخوك محمد ال داخل المسجد داخل علشان يصلي لربنا ويدعيلك ويدعي لكل زملاته ويقول يارب خلي لي يوسف وخلي لي كل أصحابي، وأنت كمان يا محمود قول ل أبنك محمد أن يوسف ال داخل الكنيسة رايح علشان يصلي لربنا ويقول الله محبة ويدعي لك ويقول يارب خليلي أخويا محمد وكل اصحابي وباركلي فيهم

وأنا كمان هنا في شغلي ووسط أخواتي وحبايبي، بقول ل أخواتي دكتور فرج شاهين كل سنة وانت طيب يا احلي أخ، وبقول ل أختي أم فهد كل سنة وأنتي طيبة يا احلي اخت، وبقول ل أخواتي أحمد فرحات ومحمد رشاد ومحمد راشد كل سنة وانتم طيبين، كمان مش انسي أخويا الصغير ال بحبة جداً فيصل الشال وال بعتبر بيته واهله اهلي وأسرتي وكمان محمد باوزير واختي سوسن وابو عادل اخونا الكبير، ومعاهم وائل المهدي وتامر عثمان وشفيق الأصفر، ومصطفي الدكروري وعادل حلمي ووائل صلاح وإبراهيم والسيد وكمان أخونا الكبير محمد سليمان وأبني الصغير محمد عزو مجيب عامل الوفية.

مش عاوز أنسي حد بس عاوز أقولكم كل ال في مؤسسة العمل أخواتي مسلمين مفيش غير أنا بس ال مسيحي ،عمري ما حسيت بأي تفرقه بل بالعكس الكل بيحبني ويحترمني، ومفيش حد فينا فكر في مرة أننا مختلفين أبداً الدكتور فرج شاهين هو ال نشر روح المحبة والتسامح في وسط الجميع، كمان مش عاوز أنسي السفارة المصرية والجالية المصرية الكل منصهر في روح مصرية أنسانية وعلي الرأس السفير ناصر حمدي وكمان البركة في أخويا وحبيبي الرجل الجميل والانسان المصري الأصيل القنصل العام السفير هاني صلاح يا جماعة دا راجل فخر لينا كلنا، وكل اعضاء السفارة العميد ايهاب الشيخ والدكتور أشرف العزازي وكمان في شخص رائع جدا الأستاذ موفق السيد المدير الاقليمي للطيران المصري، وكمان الخبير المصري حسين حتاتة الحضن الدافئ للمصريين، والدكتور حسن الجراحي رئيس الأتحاد المصري ومعاه اخويا خالد عثمان وعادل حنفي وعلاء خليل وكمان والمهندس نشأت عدلي دا الاب الروحي لينا، وكمان حبيبي الاستاذ ميشيل فرج. علي العموم كل عام وانتم بخير جميعاً بمناسبة شهر رمضان الكريم.

درجات الحرارة
  • 22 - 37 °C

  • سرعه الرياح :22.53
اسعار العملات
  • دولار أمريكى :
  • يورو :
  • ريال سعودي :

توقع...من الفائز بكأس العالم 2018؟

توقع...من الفائز بكأس العالم 2018؟
85.714285714286%
14.285714285714%