رئيس مجلس الإدارة أحمد الشناوي

رئيس التحرير محمد يوسف

«خناقة على فيس بوك»..

عزم «الأولى» في فرح «الثانية».. الفتيات:«رجل ناقص».. والشباب:«ده برنس»

طباعة

الثلاثاء , 10 اكتوبر 2017 - 04:26 مساءٍ

صورة من العُرس
صورة من العُرس

 

التعدد، كلمة لطالما كرهتها النساء وخاصة المتزوجات في مصر؛ حيث ترفض المرأة المصرية بحسب العادات والأعراف أن تكون زوجة ثانية؛ أو حتى أن يتزوج عليها زوجها من الثانية، وتعتبر هذا انتقاصًا من قيمتها كامرأة بخلاف ما هو عليه الحال في عدد من الدول العربية.

 

وتوافق بعض النساء على أن تكون زوجة ثانية في حالات مختلفة كان تكون أرملة أو مطلقة أو لم تتزوج بعد وكبر سنها، بخلاف من توافق على أن تكون زوجة ثانية وهي في سن مبكرة إذا كان الزوج ميسور ماديًا، بيد أن الغالبية ترفض مبدأ التعدد وإن كانت مصر تعاني مكن أزمة عنوسة حيث تمتلك نحو 13 مليون فتاة تخطت الـ 30 عامًا، حيث إن التعدد أحد الحلول للقضاء على هذه الظاهرة.

 

في موقف غريب على المصريين، تداول نشطاء موقع التواصل الاجتماعي "فيس بوك"، صورة لأحد الشباب أثناء حفل زفافه على زوجته الثانية؛ بينما قام بدعوة زوجته الأولى لتجلس إلى جواره في منصة العرس (الكوشة)، بينما حملت الصور ملامح الزوجتين الأولى والثانية يظهر عليهما السعادة، في موقف قلما تكرر بالشارع المصري.

 

الشاب المصري، الذي تداولت له صور تظهره إلى جوار زوجته الثانية، بينما قام باستقبال زوجته الأولى إلى جواره، أثار موجة من ردود الأفعال على موقع التواصل الاجتماعي "فيس بوك "، ما بين معجب بفكرته المستغربة، وما بين منتقد لها، وآخرون علقوا برفض مبدأ الزواج الثاني مدللين بكون الزوجة الأولى أجمل من الثانية.

 

ردود الفتايات والمعارضات

 

هبة حامد، قالت،:" مراته الأولى أحلى والله "، ووافقتها الرأي، نِهال حمدي،:"بغض النظر هما حرين فاللى يعملوه، بس بجد مراته الأولانية أحلى وأطيب والتانية مش قادرة تبتسم حتى، يارب يتفقوا عليه وياكلوه ويمرمطوه يارب يارب".

 

وقالت هدير بدوي،:"راجل ناااااقص و مراته حاجه من اتنين يا هبله و معمولها غسيل دماغ يا إما مش طايقاه وعايزه تخلص منه بأي شكل، ابتسامتها اللي من الودن للودن تدل على كده على فكرة الصورة دي مش حاجه مشرفه ولا مفرحه دي حاجه مقززه و تدل على القرف و التعاسة و التخلف و الانحدار المجتمعي اللي كل مدى في النازل و دي مش رجوله و لا هي دي الزوجه الصالحه دي أسر مشوهه و ناس تعساء و مرضى نفسيين مش عارفه ليه في ناس هايصه".

 

وقالت هبة أحمد،:" ياقلبك أنا لو مكانهم هروح وهشربهم العصير بايدي وفيه سم الفران لل2 "، وأيدتها فاطمة على ،:" أقسم بالله لو مكانها كنت قطعته هو وهى حته حته ورميتهم للكلاب"، سومة فاروق، علقت بقولها،:" ممكن يكون في أسباب مرضية دفعته للزواج الثاني، لو مفيش أسباب واتجوز تاني يبقى قليل الأدب ".

 

صافي جوزيف، قالت :" انا لو جوزي عمل معايا كده هعمله عصير وفيه منوم وبعدين ااقتله وابعد الشبهه عني مناكنت معاه فالفرح ومبسوطه بقا يبقي كده عملت جرمتي باحتراف".

 

آية أحمد، كان لها رأي آخر،: حيث قالت،:" يا جماعه حسن النيه ف ايه كلكو قولتوعليها هبله ومتخلفه وهو أنانى وشتمتوهم، محدش فرض مثلا إنها مبتخلفش ولازم يتجوز غيرها وإنها وافقت عشان حياتهم تبقي حلوه وهو يبقي أب وهى تبقي أم حتى لو هتدخل واحده تانيه اظن أحسن ما تطلق وهى شكلها بتحبه، انتو مالكو بالناس دعو الخلق للخالق وارحمونا محدش عارف بالنيات".

 

ميرنا الشلبي، قالت،:" هو ماله فرحان كده ليه ! المفروض يزعل انى مراته الاولى مش فارق معاها اصله لو فارق كانت زعلت اتدايقت حتى لو يعنى هتقولو ده شرع وتدين  على الاقل مكنتش هتحضر حاجه زى دى وتضحك ! ثانيا انا لو مكانها عادى باردو يتجوز براحته هو حر وشرع وكل حاجه بس يا يطلقنى يا اخلعه سهله ولا خناقات بقى ولا اعمل واسوى ولا كل الهبل ده"، وقالت أخرى،:" هعمله عمل اربطه بيه إلا اعمله ايه دا دنا هسود عيشته وقطعه باكياس فاكر نفسه الحج متولى".

 

 

ردود الرجال والمؤيدات

 

الرجال ونسبة من النساء كانت لهم وجات نظر أخرى، حيث قال سامح سلامة،:" ايه التعليقات دي انتوا كلكوا عايزين تتعالجوا كلكوا ناقصين في دينكوا ربنا حلل الزواج لاكثر من امرأه وبشروط وبتراضي ايه مشكلتكوت بيزلها ايه وفرحان وهي مش فرحانه ايه القرف ده الناس راضيه ومبسوطه وفرحانه بطلوا امراض نفسيه".

 

وقال آخر،:" أقسم بالله أنا اقنعت الأولي اني اتجوز واجبها تعيش معاها كمان .. قلت للاولي ده بيتك ولتانيه الجديد يكسب وانتي وشطارتك لو عرفتي تطفشيها وربي بحكي جد الراجل قادر انه يقنع الست بلي هوه عاوزه والدليل اني قلت للأولي اعتبريها ضيفه لفتره ولتانيه انك هتبقى ست البيت واقسم بالله الاتنين وافقوه".

 

أحمد العابد، قال،:" برنس يابنى و الله ربنا يحميك يارب قريب هأبقي مكانه و اعزم التلاته على فرح الرابعه".

 

هبة عزام، قالت،:" الغريب إنه عزمها وحضرت الفرح لكن الست ديه لذكية زيادة عن اللزوم لأنها كدااا بتقولها أنها مش هتقدر تستحوذ عليه لنفسها وأنها موجودة حتي في الفرح وأعتقد من الصور أنها بتوصلها الرسالة ديه وشكلها بتقولها كدااا من خلال موقفها دااا إن كيدهن عظيم ".

 

إيمان الغريب، قالت،:" طالما مراته راضية.. همه أحرار في حياتهم الشخصية اللي مضروش بيها حد، واللا لازم يبقوا شواذ عشان تدافعوا عن حقوقهم في الحريات الشخصية؟!، وقال حمادة حمدي،:" مش يمكن ياجماعة الجوازه التانية دي ليها سبب والزوجه راضيه ...عشان كده سعيده بالجوازه...يمكن الخلفة مثلا او اي سبب تاني والله اعلم ايه اللي مزعل بقي اللي زعلان ما تسيبو الناس في حالها ...احنا النهارده بنشوف جوزات بتتفشكل وبيوت بتتخرب لاتفه الاسباب ونسبة".

 

وعلق محمد اسماعيل،:" اقدام الرجل على الزواج الثاني ليس بسبب عيب لا سمح الله في الزوجة الأولى لأن كل الصحابة والتابعين تزوجوا مثنى وثلاث منهم في حياة الرسول وبعده ولم ينهي الرسول أحد عن ذلك ولكن أوصى بالعدل وحدد شروط العدل .. لا تحكموا بعقولكم في الحلال والحرام ".

 

محمد النمساوي، قال،:" هو شرط تكون مراته الاوله معيوبه عشان كدة موافقه الحريم اصلا دلوقتي ناقصه عقل ودين زمان علي ايام النبي كانو بيطبقو السنه كما رأوها عن النبي وكل صحابي كان متجوز واحدة واتنين وتلاته واربعه كان فيه حوارات ساعتها من الحريم كانت ذكرت في السيرة او في احاديث عن النبي صل الله عليه وسلم انما دلوقتي كلنا في البليله الا من رحم ربي ".

 

وقالت حنان الروبي،:" الناس المحترمين الحلوين اوى اوى بزيادة االلى عماله تشتم وتردح انتوا مالكم وعلى راى المثل هى راضيه وهو راضى ملكم بقى حتعملوا فيها قاضى"، وأيدها، محمد عنان، قائلًا:" لو حقيقي يبقي بطبق الشرع اللي ربنا قال عليه وفي نفس الوقت دي ست عاقله وبتمشي نفسها عشان تعيش والمركب تمشي ربنا يهديها يارب ويوفقهم مع بعض ويارب يكون عادل".

صورة من العُرس <span class='img-desc'>صورة من العُرس</span>
صورة من العُرس <span class='img-desc'>صورة من العُرس</span>
صورة من العُرس <span class='img-desc'>صورة من العُرس</span>
صورة من العُرس <span class='img-desc'>صورة من العُرس</span>
درجات الحرارة
  • 13 - 20 °C

  • سرعه الرياح :17.70
اسعار العملات
  • دولار أمريكى :
  • يورو :
  • ريال سعودي :

هل توافق علي قطع العلاقات مع الكيان الصهيوني ؟

نعم
91.6666666667%
لا
8.33333333333%